MIGASTU hian MNF ministry, sorkar hmasain school an provincialised tawh sorkar tharin a revoke leh avangin an lungawiloh thu an lo sawi tawh a, dinhmun thara an lo awm tawhna ah dah leh vat tura Mizoram sorkar kar nan badge dum leh flag dum zar in nawrhna an lo huaihawt tawh a ni.

Sorkar atangin MIGASTU hian vawiin thlengin thu lawmawm an la dawng lo tih an tarlanga, ''Lungawilohna hi lantir chhunzawm zel tur a ni a, September 4, 2025 a hman tur Teachers' Day pawh hi MIGASTU hnuaia school zawng zawng ten a lawmna (celebration) hman loh nise, tin badge dum bela school kal tur," tiin an tarlang bawk. Tarlan tawh angin an hmalaknain awmzia a neihloh chuan rampum huap kawngzawh pawh an lo rel tawh a ni.

An school dinhmun leh an service chungchanga Mizoram Sorkarin engmah hmalakna a la nei lo chu na an tih takzet thu sawiin, " Sorkar hian kan chungchang hi a rang lamin ngaihtuah se kan duh takzet," an ti.